Síncrisis. Investigación en Formas Culturais (GI-1919- SIFC) é un grupo de investigación constituído en decembro de 2004 no eido da Universidade de Santiago de Compostela. O noso punto de converxencia é a posta en práctica de ideas, técnicas ou modelos de investigación dirixidos á conversión do patrimonio histórico e cultural e a súa xestión, en fonte para o coñecemento histórico ou histórico-artístico.
O grupo de investigación SÍNCRISIS da Universidade de Santiago de Compostela ten o pracer de convidarvos á estrea do documental realizado por Sara Traba no marco do proxecto Arquitecturas da paisaxe e do cambio - LARCH: A festa do emigrante.
O evento terá lugar o vindeiro día 16 de xuño ás 18:30h no Paraninfo da Facultade de Historia e Xeografía e a entrada será libre ata completar aforo.
